மரக்கிளைகளை அகற்ற வேண்டும்

வேலூர் கோட்டையில் ஸ்மார்ட் சிட்டி திட்டத்தின் கீழ் மின் விளக்குகள் பொருத்தப்பட்டுள்ளன. கோட்டை வளாகத்தில் உள்ள பெரிய தேசியக்கொடி கம்பத்தின் அருகே மின்கம்பம் ஒன்று உள்ளது. அந்த மின் கம்பத்தின் நடுவே மரம் சூழ்ந்துள்ளதால் மின்விளக்குகள் எரிந்தும் பயன் இல்லாமல் இருக்கிறது. இதனால் அங்கு இருள் சூழ்ந்து காணப்படுகிறது. இரவு நேரத்தில் கோவிலுக்கு ஒருசிலர் செல்வதால் இருளான பகுதியை கண்டு சற்று அச்சப்படுகின்றனர். எனவே சம்பந்தப்பட்ட துறை அதிகாரிகள் மின் விளக்கு ஒளியை மறைக்கும் மரக்கிளைகளை அகற்ற நடவடிக்கை எடுக்க வேண்டும்.

-மணிகண்டன், வேலூர்.