மற்றவை - Page 827

கடையம் யூனியன் மேலாம்பூர் பஞ்சாயத்து கருத்தப்பிள்ளையூரில் இருந்த சிறிய பேருந்து நிலையம் கடந்த இரண்டு ஆண்டுகளுக்கு முன்பு இடிக்கப்பட்டது. அதற்கு பதிலாக புதிதாக பேருந்து நிலையம் இதுவரை கட்டித் தரப்படவில்லை. இதனால் பயணிகள் பஸ் ஏறுவதற்கு மரத்தடியிலும் மற்றும் சாலையின் ஓரமாகவும் வெயில், மழையில் நின்று செல்கின்றனர். எனவே இடிக்கப்பட்ட பேருந்து நிலையத்திற்கு பதிலாக புதிய பேருந்து நிலையத்தினை விரைவாக கட்டித் தரும்படி சம்பந்தப்பட்ட அதிகாரிகளை கேட்டுக்கொள்கிறேன்.

ஆதரவு: 0

Enter Name and Email

Error in submitting

31 May 2023 9:08 AM GMT

மதுசூதனன் | தென்காசி

#33559

அபாயகரமான வளைவு

சங்கரன்கோவில் உட்கோட்டம் சேர்ந்தமரம்-புளியங்குடி சாலையில், பாம்புகோவில்சந்தையில் இருந்து பெரியசாமிபுரம் வரை செல்லும் இந்த சாலையின் அபாயகரமான வளைவில் தடுப்பு சுவர் எதுவும் அமைக்கப்படவில்லை. இதனால் குறுகலான இந்த வளைவில் அடிக்கடி விபத்துகள் நேரிடுகின்றது. எனவே சாலை வளைவில் எச்சரிக்கை பலகையோடு தடுப்பு சுவர் அமைத்து தர கேட்டுக்கொள்கிறேன்.

ஆதரவு: 1

Enter Name and Email

Error in submitting

31 May 2023 9:07 AM GMT

திருக்குமரன் | ஆலங்குளம்

#33558

ஆபத்தான மின்கம்பம்

கடையம் ெரயில் நிலையம் அருகே குமரேச சீனிவாச காலனி தெருவில் மின் கம்பம் ஒன்று அடிப்பாகம் சேதமடைந்து ஆபத்தான நிலையில் காணப்படுகிறது. இதனால், அப்பகுதியில் குடியிருக்கும் மக்கள் அச்சத்துடன் இருக்கிறார்கள். எனவே விபரீதங்கள் நிகழ்வதற்கு முன்பாக ஆபத்தான மின்கம்பத்தை அகற்றிட சம்பந்தப்பட்ட அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

31 May 2023 9:05 AM GMT

ராஜீவ் காந்தி | கடையநல்லூர்

#33557

வேகத்தடை மீண்டும் அமைக்கப்படுமா?

ஐந்து மாதங்களுக்கு முன்பாக செங்கோட்டை-சுரண்டை சாலை, செங்கோட்டை-குற்றாலம்-தென்காசி சாலை போன்றவற்றில் இருந்த ஏராளமான வேகத்தடைகள் அகற்றப்பட்டன. ஆனால் வேகத்தடைகள் மீண்டும் அமைக்கப்படவில்லை. இதனால் இந்தச்சாலையில் அதிவேகமாக செல்லும் வாகனங்களால் அடிக்கடி விபத்துகள் ஏற்படுகின்றது. எனவே பொதுமக்களின் நலன்கருதி இந்தச்சாலையில் உடனடியாக வேகத்தடைகள் அமைக்க நெடுஞ்சாலைத்துறை அதிகாரிகள் நடவடிக்கை எடுக்க வேண்டுகிறேன்.

ஆதரவு: 1

Enter Name and Email

Error in submitting

31 May 2023 9:05 AM GMT

பொன்சங்கர் | தென்காசி

#33556

சேதமடைந்த தடுப்பு கம்பிகள்

தென்காசி மாவட்டம் கீழப்பாவூர் யூனியன் குணராமநல்லூர் பஞ்சாயத்து கடப்போகத்தி கிராமத்தில் உள்ள குளத்தின் கரையில் சாலையோரமாக அமைக்கப்பட்டுள்ள தடுப்பு கம்பிகள் உடைந்து பழுதடைந்து பல ஆண்டுகளாக ஆபத்தான நிலையில் உள்ளன. இதனால் இரவு நேரங்களில் வாகனஓட்டிகளுக்கு விபத்து ஏற்படும் அபாயம் உள்ளது. எனவே சம்பந்தப்பட்ட அதிகாரிகள் உரிய நடவடிக்கை எடுத்து மக்கள் நலன் காக்க வேண்டுகிறேன்.

ஆதரவு: 1

Enter Name and Email

Error in submitting

31 May 2023 9:00 AM GMT

ஜான்ரவி | விளாத்திகுளம்

#33555

வாறுகாலில் சோ்ந்த குப்பைகள்

தூத்துக்குடி மாவட்டம் விளாத்திகுளம் பேருந்து நிலையம் பின்புறம் உள்ள கழிவு நீர் வாறுகாலில் கழிவுநீர் செல்ல இயலாதபடி பிளாஸ்டிக் பாட்டில்கள் மற்றும் குப்பைகள் நிறைந்து காட்சியளிக்கிறது. இதனால் சுற்றுப்புறசூழல் பாதிக்கப்படுவதோடு துர்நாற்றம் வீசுகிறது. சம்பந்தப்பட்ட அதிகாரிகள் உடனடியாக நடவடிக்கை எடுக்க வேண்டுகிறேன்.

ஆதரவு: 0

Enter Name and Email

Error in submitting

31 May 2023 9:00 AM GMT

பாலகிருஷ்ணன் | திருச்செந்தூர்

#33554

குப்பை கூளங்களால் சுகாதாரக்கேடு

தூத்துக்குடி மாவட்டம் திருச்செந்தூரில் பந்தல் மண்டபம் வழியாக வந்து கோவிலின் நுழைவு வாயிலை அடைவதற்கு திரும்பும் இடத்தில் குப்பைகளை கொட்டி வைத்திருக்கிறார்கள். தினத்தோறும் அகற்றப்படாத இந்த குப்பை கூளங்களால் கடும் துர்நாற்றம் வீசுவதோடு சுகாதாரக்கேடும் ஏற்படுகின்றது. சேர்ந்துள்ள குப்பை கூளங்களில் மாடுகள் மேய்ந்து குப்பைகளை ரோடு முழுவதும் பரப்புகின்றன. இதனால் கோவிலுக்கு வரும் பக்தர்கள் மிகுந்த சிரமப்படுகிறார்கள். அங்கு குப்பை தொட்டிகளை வைத்து நிரந்தர தீர்வை ஏற்படுத்த கேட்டுக்கொள்கிறேன்.

ஆதரவு: 0

Enter Name and Email

Error in submitting

31 May 2023 8:59 AM GMT

மோகனசுந்தரம் | திருச்செந்தூர்

#33553

போக்குவரத்து இடையூறு

திருச்செந்தூர் சன்னதி தெரு முழுவதும் நான்கு சக்கர வாகனங்களை நிறுத்தி விடுகின்றனர். இதனால் இருசக்கர வாகன ஓட்டிகள், பாதசாரிகள், காவடி மற்றும் பால்குடம் எடுத்து வரும் பாதயாத்திரை பக்தர்கள் கடும் சிரமத்திற்குள்ளாகின்றனர். எனவே போக்குவரத்து காவலர்கள் உடனடியாக சன்னதி தெருவில் வாகன போக்குவரத்தை சீர் செய்து பக்தர்கள் நலன் காத்திட ஆவன செய்ய வேண்டும்.

ஆதரவு: 0

Enter Name and Email

Error in submitting

31 May 2023 8:58 AM GMT

சித்திரைவேல் | ஸ்ரீவைகுண்டம்

#33552

ஆற்றில் சோ்ந்த கழிவுத்துணிகள

தாமிரபரணி நதியின் கடைசி அணைக்கட்டு அமைந்துள்ள ஸ்ரீவைகுண்டத்தில், திருமஞ்சனப் படித்துறை பகுதியில் கள்ளபிரான் திருகோவிலுக்கு தீர்த்தவாரி எடுக்கும் இடத்தில் கழிவு துணிகள் சேர்ந்து உள்ளது. நதியின் தூய்மையை பாழாக்கும் கழிவு துணிகளால் குடிநீர் மாசடைவதோடு சுற்றுப்புற சூழலும் கெடுகிறது. நீர் நிலைகளை பாதுகாக்கும் ஆணையம் தாமிரபரணி ஆற்றின் நீர் நிலைகளை பாதுகாக்க நடவடிக்கை எடுத்து மக்களிடம் விழிப்புணர்வை ஏற்படுத்த வேண்டும்.

ஆதரவு: 0

Enter Name and Email

Error in submitting

31 May 2023 8:57 AM GMT

பாலமுருகன் | கோவில்பட்டி

#33551

வாறுகாலில் சோ்ந்த குப்பைகள்

கோவில்பட்டி முத்தையா மால் தெரு, ஆழ்வார் தெரு பகுதிகளில் உள்ள வாறுகால்களில் சோ்ந்துள்ள கழிவுகளை முழுமையாக தூர்வாராமல் மேலோட்டமாக குப்பைகளை அள்ளுவதால் அடிக்கடி அடைப்பு ஏற்படுகிறது. தேங்கிய கழிவுநீரில் கொசுக்கள் முட்டை இடுவதால் நோய் தொற்று ஏற்படும் அபாயம் உள்ளது. சம்பந்தப்பட்ட அதிகாரிகள் உடனடியாக நடவடிக்கை எடுப்பார்களா?

ஆதரவு: 0

Enter Name and Email

Error in submitting

31 May 2023 8:51 AM GMT

ராஜ செல்வம் | இராதாபுரம்

#33550

அடிப்படை வசதிகள் வேண்டும்

வள்ளியூர் அருகே உள்ள தெற்கு கள்ளிகுளம் ஆர்தர் நகரில் அடிப்படை வசதிகள் எதுவும் செய்து கொடுக்கப்படவில்லை. தெருக்களில் சாலை வசதி, தெரு மின் விளக்கு வசதி மற்றும் வீட்டிற்கு குடிநீர் குழாய் இணைப்பு போன்ற அடிப்படை வசதிகள் இல்லாமல் மக்கள் மிகவும் சிரமப்படுகின்றனர். அடிப்படை வசதிகளை உடனடியாக ஏற்படுத்தி தர கேட்டுக்கொள்கிறேன்.

ஆதரவு: 0

Enter Name and Email

Error in submitting

31 May 2023 10:27 AM GMT

ராமமூர்த்தி | பாளையங்கோட்டை

#33549

கழிவுநீர் ஓடை பாலம் சீரமைக்கப்படுமா?

பாளையங்கோட்டை செயின்ட் பால்ஸ் சாலையில் அமைந்துள்ள நம்பிக்கை நகரில், சாலை அமைக்கும் பணியின் போது கனரக வாகனத்தால் கழிவுநீர் ஓடை பாலம் உடைந்து அபாயகரமாக உள்ளது. பள்ளி செல்லும் குழந்தைகள், முதியவர்கள், பெண்கள் மற்றும் மாற்றுத்திறனாளிகள் அதிகம் பயணிக்கும் இந்த சாலையில் விபத்து ஏதேனும் நேரிடுவதற்கு முன்பாக சேதமடைந்த பாலத்தை சீரமைப்பதற்கு அதிகாரிகள் உரிய நடவடிக்கை எடுக்குமாறு கேட்டு கொள்கிறேன்.

ஆதரவு: 0