மற்றவை - Page 761

கோத்தகிரி மிஷன் காம்பவுண்டு பகுதியில் ஹைபீல்டு கே.எம்.எப். சாலையோரத்தில் ராட்சத மரங்கள் ஆபத்தான வகையில் உள்ளன. சூறாவளி காற்றுடன் கனமழை பெய்யும்போது, அந்த மரங்களின் கிளைகள் முறிந்து, அருகில் உள்ள வீடுகளின் மீது விழுந்து வருகின்றன. இதனால் எப்போது மரக்கிளை விழுமோ என்ற அச்சத்துடன் வாழ வேண்டிய நிலை உள்ளது. எனவே ஆபத்தான அந்த மரங்களை வெட்டி அகற்ற சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

9 July 2023 10:13 AM GMT

ரங்கராஜூ | தொண்டாமுத்தூர்

#35818

காட்டுப்பன்றிகள் தொல்லை

கோவை ஆலாந்துறை அருகே காருண்யா நகர், ஈடன் கார்டன், எம்.ஆர்.ஆர். கார்டன் ஆகிய பகுதிகளில் காட்டுப்பன்றிகள் தொல்லை நாளுக்குநாள் அதிகரித்து வருகிறது. அவை குப்பைகளையும், சாக்கடைகளையும் வீதியில் சிதறடித்துவிட்டு செல்வதால், கடும் துர்நாற்றம் வீசுகிறது. மேலும் சில நேரங்களில் வீதியில் நடந்து செல்பவர்களை துரத்துகின்றன. இது தவிர வீடுகளுக்குள்ளும் புகுந்து விடுகின்றன. எனவே அந்த பகுதிகளில் காட்டுப்பன்றிகள் தொல்லையை கட்டுப்படுத்த சம்பந்தபட்ட துறையினர் முன்வர வேண்டும்.

ஆதரவு: 0

Enter Name and Email

Error in submitting

9 July 2023 10:12 AM GMT

சேது மாதவன் | மேட்டுப்பாளையம்

#35817

ஆணி அடிப்பதால் மரங்கள் பாதிப்பு

மேட்டுப்பாளையத்தில் இருந்து குன்னூர் செல்லும் சாலையோரங்களில் இருபுறமும் ஏராளமான மரங்கள் உள்ளன. இந்த மரங்களில் ஆணி அடித்து விளம்பர பதாகைகள் பொருத்தப்படுகிறது. மேலும் கயிறு மற்றும் இரும்பு கம்பிகள் மூலம் விளம்பர பதாகைகள் இறுக்கமாக கட்டி வைக்கப்படுகின்றன. இதனால் அந்த மரங்களின் வளர்ச்சி பாதிக்கப்படுகிறது. மேலும் அவை பட்டுபோய்விடும் அபாயம் காணப்படுகிறது. எனவே மரங்களில் ஆணி அடிப்பதை தடுக்க வேண்டும்.

ஆதரவு: 0

Enter Name and Email

Error in submitting

9 July 2023 10:06 AM GMT

Aravinthan | கூடலூர்

#35814

நடைபாதையில் புதர்கள்

கூடலூர் ராஜகோபாலபுரத்தில் இருந்து பழைய பஸ் நிலையம் செல்லும் சாலையில் கிளை நூலகம் முன்பு உள்ள நடைபாதையில் புதர்கள் படர்ந்து காணப்படுகிறது. இதனால் அந்த வழியாக பள்ளி மாணவ-மாணவிகள் உள்பட அனைத்து தரப்பினரும் நடந்து செல்ல முடியாத நிலை உள்ளது. அதன் கிளைகள் சில நேரங்களில் நடந்து செல்பவர்களின் முகம் மற்றும் கண்களில் உரசி காயத்தை ஏற்படுத்துகிறது. மேலும் விஷ ஜந்துகளின் நடமாட்டம் காணப்படுகிறது. எனவே அங்கு அடர்ந்து வளர்ந்துள்ள புதர்களை வெட்டி அகற்ற வேண்டும்.

ஆதரவு: 0

Enter Name and Email

Error in submitting

9 July 2023 8:22 AM GMT

பிரபானந்து | கன்னியாகுமரி

#35811

நடவடிக்கை தேவை

நாகர்கோவில் கோர்ட்டு ரோடு எப்போதும் வாகன போக்குவரத்து அதிகமாக இருப்பதால் பரபரப்பாக காணப்படும். இதனால், பாதசாரிகள் நடந்து செல்வதற்கு வசதியாக சாலையின் இருபுறமும் நடைபாதை அமைக்கப்பட்டுள்ளது. ஆனால், இந்த நடைபாதையின் அருகில் அமைக்கப்பட்டுள்ள கம்பங்களில் விபத்தை ஏற்படுத்தும் வகையில் கேபிள் ஓயர்கள் மிகவும் தாழ்வாகவும், சிறுவர்கள் கைக்கு எட்டும் வகையிலும் அமைக்கப்பட்டுள்ளது. எனவே, இந்த ஓயர்களை சிறுவர்களுக்கு எட்டாத வகையில் அமைக்க அதிகாரிகள் நடவடிக்கை எடுக்க வேண்டும். -பிரபானந்து, பெருவிளை.

ஆதரவு: 1

Enter Name and Email

Error in submitting

9 July 2023 8:18 AM GMT

மதன் | கன்னியாகுமரி

#35809

தடுப்புச்சுவர் அமைக்கப்படுமா?

திடல் ஊராட்சிக்குட்பட்ட குளத்தின் தடுப்புச்சுவர் இடிந்து பல ஆண்டுகள் ஆகிறது. இந்த குளத்தின் அருகில் செல்லும் மூக்குத்தி சாலை உள்ளது. தினமும் ஏராளமான வாகனங்கள் சென்று வருகின்ற இந்த சாலை சேதமடைந்து குண்டும், குழியுமாக காணப்படுகின்றது. இதனால், வாகன ஓட்டிகள் பெரும் அவதிக்குள்ளாவதுடன் ஆபத்தான பயணத்தை மேற்கொண்டு வருகின்றனர். எனவே, சாலையை சீரமைத்து, குளத்தின் கரையோரத்தில் தடுப்புச்சுவரையும் அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும். -மதன், திடல்.

ஆதரவு: 1

Enter Name and Email

Error in submitting

9 July 2023 8:16 AM GMT

ராஜசேகர் | பத்மனாபபுரம்

#35808

திறக்கப்படாத அலுவலகம்

பேச்சிப்பாறையில் சுற்றுவட்டார மலைப்பகுதி மக்களின் வசதிக்காக கடந்த சில ஆண்டுகளுக்கு முன்பு திற்பரப்பு வருவாய் கிராமத்திலிருந்து பிரித்து புதிதாக கிராம நிர்வாக அலுவலகம் அமைக்கப்பட்டது. இந்த அலுவலகம் மலையோர மக்களுக்கு மிகவும் பயனுள்ளதாக இருந்தது. சமீப காலமாக இந்த அலுவலகம் முறையாக திறக்கப்படுவதில்லை. பூட்டியே கிடக்கிறது. இதனால், பல்வேறு தேவைகளுக்கான வரும் மக்கள் பெரும் சிரமத்துக்குள்ளாகி வருகின்றனர். எனவே, சம்மந்தப்பட்ட அதிகாரிகள் நடவடிக்கை எடுத்து கிராம நிர்வாக அலுவலகத்தை முறையாக திறக்க...

ஆதரவு: 0

Enter Name and Email

Error in submitting

9 July 2023 8:15 AM GMT

CRS | கன்னியாகுமரி

#35807

கோவிலை பராமரிக்க வேண்டும்

கன்னியாகுமரி- நாகர்கோவில் தேசிய நெடுஞ்சாலையில் உள்ள மகாதானபுரத்தில் பூஜை எடுப்பு மடம் உள்ளது. இந்த மண்டபம் தற்போது பராமரிப்பு இல்லாமல் ஜன்னல் கதவுகள் சேதமடைந்து காணப்படுகின்றன. சுவர்களிலும் விரிசல்களும் ஏற்பட்டுள்ளது. மண்டபம் பகுதியில் சிலர் மது குடித்து விட்டு பாட்டில்களை வீசிவிட்டு செல்கின்றனர். எனவே, சேதமடைந்த மண்டபத்தை சீரமைத்து பாராமரிக்க அதிகாரிகள் நடவடிக்கை எடுக்க வேண்டும்.ராம்தாஸ் சந்திரசேகர், சந்தையடி.

ஆதரவு: 0

Enter Name and Email

Error in submitting

5 July 2023 6:04 PM GMT

பயணிகள் | விக்கிரவாண்டி

#35801

பன்றிகள் தொல்லை

விக்கிரவாண்டி தாலுகா செம்மேடு கிராமத்தில் பன்றிகள் தொல்லை அதிகமாக உள்ளது. இவை குப்பைகளை கிலறியும், சேற்றில் புரண்டும் எழுகின்றன. இதனால் சுகாதார சீர்கேடு ஏற்பட்டு கடும் துர்நாற்றம் வீசுகிறது. மேலும் விவசாய நிலங்களுக்குள் பன்றிகள் புகுந்து பயிர்களை நாசம் செய்கின்றன. இதனால் அப்பகுதி மக்கள் கடும் அவதி அடைந்து வருகின்றனர். எனவே பன்றிகளை பிடித்து அப்புறப்படுத்த வேண்டும்.

ஆதரவு: 0

Enter Name and Email

Error in submitting

5 July 2023 6:03 PM GMT

பொதுமக்கள் | விழுப்புரம்

#35799

காட்சிப்பொருளான வருவாய் ஆய்வாளர் அலுவலகம்

திருவெண்ணெய்நல்லூர் அருகே உள்ள அரசூர் வருவாய் ஆய்வாளர் அலுவலக கட்டிடம் திறக்கப்படாமல் காட்சிப்பொருளாக உள்ளது. இதனால் முக்கிய ஆவனங்கள் பெற முடியாமல் பொதுமக்கள் கடும் அவதி அடைந்து வருகின்றனர். எனவே வருவாய் ஆய்வாளர் அலுவலக கட்டிடத்தை பயன்பாட்டிற்கு கொண்டு வர வேண்டும் என்று பொதுமக்கள் கோரிக்கை விடுத்துள்ளனர்.

ஆதரவு: 0

Enter Name and Email

Error in submitting

5 July 2023 6:03 PM GMT

பொதுமக்கள் | கள்ளக்குறிச்சி

#35796

குரங்குகள் அட்டகாசம்

திருக்கோவிலூர் தாலுகா அரும்பாக்கம் ஊராட்சியில் குரங்குகள் அட்டகாசம் அதிகரித்து கொண்டே செல்கிறது. இவை திறந்திருக்கும் வீடுகள், கடைகளுக்குள் புகுந்து பொருட்களை சூறையாடிச்செல்வதோடு, விரட்ட வரும் பொதுமக்களை கடிக்க சீறிப்பாய்கின்றன. மேலும் சாலையில் நடந்து செல்லும் குழந்தைகள் கையில் இருக்கும் தின்பண்டங்களையும் குரங்குகள் பிடுங்கி செல்கின்றன. இதனால் அப்பகுதி மக்கள் அச்சப்படுகின்றனர். எனவே அட்டகாசம் செய்யும் குரங்குகளை பிடித்து அப்புறப்படுத்த அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

5 July 2023 6:03 PM GMT

பொதுமக்கள் | கள்ளக்குறிச்சி

#35794

ஆட்டோவில் ஆபத்தான பயணம்

தியாகதுருகம் அரசு ஆண்கள் மேல்நிலைப்பள்ளியில் படிக்கும் மாணவர்கள் தினமும் பள்ளிக்கு அரசு பேருந்துகள் மற்றும் ஆட்டோக்கள் மூலம் செல்கின்றனர். இந்நிலையில் ஒரு சில ஆட்டோக்கள், அதிகமான மாணவர்களை ஏற்றிக்கொண்டு செல்வதால், அவர்கள் ஆட்டோவின் பக்கவாட்டில் தொங்கிய படி ஆபத்தான பயணம் மேற்கொண்டு வருகின்றனர். இதனால் விபத்து ஏற்படும் அபாயம் உள்ளது. இதை தவிர்க்க அதிகாரிகள் உரிய நடவடிக்கை எடுக்க வேண்டும்.

ஆதரவு: 0