மற்றவை - Page 449

திருநாவலூர்-கெடிலம் கூட்டுரோட்டில் ஊராட்சி ஒன்றிய அலுவலகம் எதிரே உள்ள மினிகுடிநீர் தொட்டியை சுற்றி கழிவுநீர் தேங்கி நிற்கிறது. இதனால் அப்பகுதியில் சுகாதார சீர்கேடு ஏற்பட்டு பொதுமக்களுக்கு தொற்று நோய் பரவும் அபாயம் உருவாகியுள்ளது. இதை தவிர்க்க தேங்கி நிற்கும் கழிவுநீரை அகற்ற அதிகாரிகள் நடவடிக்கை எடுக்க வேண்டியது அவசியம்.

ஆதரவு: 0

Enter Name and Email

Error in submitting

9 Jun 2024 3:06 PM GMT

சமூக ஆர்வலர்கள் | சிதம்பரம்

#47369

குரங்குகள் அட்டகாசம்

சிதம்பரம் தெற்கு சன்னதி, மேல வீதி, அனந்தீஸ்வரர் கோவில் தெரு, வேங்கன் தெரு உள்பட பல்வேறு பகுதிகளில் குரங்குகள் தொல்லை அதிகரித்து வருகிறது. இவை சாலையில் நடந்து செல்பவர்களை கடிக்க பாய்வதுடன், வீடுகள் மற்றும் கடைகளில் புகுந்து அங்குள்ள பொருட்களை சூறையாடி வருகிறது. எனவே நகரில் சுற்றித்திரியும் குரங்குகளை பிடித்து காப்புக்காட்டில் விட அதிகாரிகள் நடவடிக்கை எடுக்க வேண்டியது அவசியம்.

ஆதரவு: 0

Enter Name and Email

Error in submitting

9 Jun 2024 3:04 PM GMT

Mr.V.Ramachandran | பொள்ளாச்சி

#47362

நோய் பரவும் அபாயம்

பொள்ளாச்சி அருகே சூளேஸ்வரன்பட்டி பேரூராட்சி அழகப்பா காலனி, காமராஜர் வீதி ஆகிய பகுதிகளில் உப்பு தண்ணீர் குழாய் உடைந்து பல மாதங்கள் ஆகிறது. ஆனால் இதுவரை அதை சரி செய்ய அதிகாரிகள் முன்வரவில்லை. மேலும் அங்குள்ள சாலையும் பழுதடைந்து குண்டும், குழியுமாக கிடக்கிறது. நடந்து செல்லும்போது கூட தவறி விழும் நிலை உள்ளது. அதோடு கொசுத்தொல்லை அதிகரித்து பொதுமக்களுக்கு தொற்று நோய் பரவும் அபாயம் காணப்படுகிறது. எனவே இந்த பிரச்சினைகளுக்கு அதிகாரிகள் தீர்வு காண வேண்டும்.

ஆதரவு: 0

Enter Name and Email

Error in submitting

9 Jun 2024 3:03 PM GMT

அஸ்மாபாக் அன்வர்தீன் | இராமநாதபுரம்

#47361

நடவடிக்கை எடுக்கப்படுமா?

ராமநாதபுரம் மாவட்டம் அரசு மருத்துவக் கல்லூரி மருத்துவமனையில் புற நோயாளிகளுக்கு சீட்டு வழங்கும் பகுதி, எக்ஸ்ரே எடுக்கும் இடம், நோயாளிகளுக்கான வார்டுகள், அறுவை சிகிச்சை அரங்குகள் ஆகியவை பழைய கட்டிடத்தில் இயங்குகிறது. இந்த கட்டிடத்தின் மேற்கூரை சேதமடைந்து காணப்படுகிறது. ஏதேனும் அசம்பாவிதம் நிகழும் முன்பாக பழைய கட்டிட பகுதிகளை சீரமைக்க சம்பந்தபட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

9 Jun 2024 2:54 PM GMT

JAYAN K | சூலூர்

#47355

தெருநாய்கள் தொல்லை

கோவையை அடுத்த சூலூர் அருகே பட்டணம் ரூபி அவென்யூ மற்றும் அதன் சுற்றுவட்டார பகுதிகளில் 10-க்கும் மேற்பட்ட தெருநாய்கள் கூட்டமாக சுற்றி வருகின்றன. அவை அங்குள்ள வீடுகளில் வளர்க்கப்படும் கோழிகளை கடித்து கொன்று வருகின்றன. மேலும் பொதுமக்களையும் கடிக்க துரத்துகின்றன. இதனால் அவர்கள் கடும் அச்சத்தில் உள்ளனர். குழந்தைகளை வீட்டை விட்டு வெளியே விளையாட விடவே தயங்குகின்றனர். அதுவும் இரவில் அட்டகாசம் அதிகமாக இருக்கிறது. எனவே அங்கு தெருநாய்கள் தொல்லையை கட்டுப்படுத்த வேண்டும்.

ஆதரவு: 1

Enter Name and Email

Error in submitting

9 Jun 2024 2:50 PM GMT

பொதுமக்கள் | கோபிச்செட்டிப்பாளையம்

#47350

நிழற்குடை வசதி

கொளப்பலூர் அருகே உள்ள காமராஜ்நகர் பஸ் நிறுத்தத்தில் நிழற்குடை இல்லை. இதனால் பஸ்சுக்காக காத்திருக்கும் பயணிகள் வெயில் மற்றும் மழை காலங்களில் மிகவும் பாதிப்படைகின்றனர். எனவே பயணிகளுக்காக நிழற்குடை வசதி ஏற்படுத்தி தர நடவடிக்கை எடுக்க அதிகாரிகள் முன்வர வேண்டும்.

ஆதரவு: 0

Enter Name and Email

Error in submitting

9 Jun 2024 2:47 PM GMT

பொதுமக்கள் | காரைக்குடி

#47345

நோய் பரவும் அபாயம்

சிவகங்கை மாவட்டம் காரைக்குடி சங்கராபுரம் ஊராட்சி பகுதியில் கொசுத்தொல்லை அதிகளவில் உள்ளது. இரவு நேரங்களில் அப்பகுதியில் வசிக்கும் பொதுமக்கள் மற்றும் குழந்தைகள் கொசுக்கடியால் மிகுந்த அவதியடைந்து வருகின்றனர். மேலும் பொதுமக்களுக்கு பல்வேறு நோய் பரவும் அபாயம் உள்ளது. கொசுத்தொல்லையை கட்டுப்படுத்த அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

9 Jun 2024 2:47 PM GMT

ரமேஷ், கோத்தகிரி | குன்னூர்

#47343

புதர் செடிகள் அகற்றப்படுமா?

கோத்தகிரி காந்தி மைதானத்தில் நூற்றுக்கணக்கான விளையாட்டு வீரர்கள், வீராங்கனைகள் விளையாட்டு பயிற்சி பெற்று வருகின்றனர். ஆனால் இந்த மைதானத்தின் ஒரு பகுதி முழுவதும் புதர் செடிகள் வளர்ந்து மேடு, பள்ளமாக காட்சியளிக்கிறது. இதில் விளையாடும்போது அவர்கள் கீழே தவறி விழுந்து காயமடைந்து வருகின்றனர். எனவே புதர் செடிகளை அகற்றி மைதானத்தை உரிய முறையில் பராமரிக்க சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

9 Jun 2024 2:46 PM GMT

பொதுமக்கள் | திருப்பத்தூர்(சிவகங்கை)

#47341

தெருநாய்கள் தொல்லை

சிவகங்கை மாவட்டம் திருப்பத்தூர் பேரூராட்சி பகுதியில் சாலைகளில் தெருநாய்கள் அதிகளவில் சுற்றித்திரிகின்றன. அவை அப்பகுதியில் நடந்து செல்லும் பொதுமக்கள் மற்றும் வாகன ஓட்டிகளை துரத்தி சென்று அச்சுறுத்துகிறது. இதனால் விபத்து ஏற்படும் அபாயமும் உள்ளது. இதுகுறித்து அதிகாரிகள் நடவடிக்கை எடுத்து நாய்களை அப்புறப்படுத்த வேண்டும்.

ஆதரவு: 0

Enter Name and Email

Error in submitting

9 Jun 2024 2:09 PM GMT

Ranjith Kumar | போளூர்

#47330

ரெயில்வே பெயர் பலகையை மறைத்த தனியார் பேனர்

திருவண்ணாமலை மாவட்டம் போளூரில் ரெயில் நிலையம் செல்லும் சாலையை பொதுமக்கள் அறிந்து கொள்ள வேண்டும் என்பதற்காக ரெயில்வே நிர்வாகத்தால் பெயர் பலகை வைக்கப்பட்டுள்ளது. அப்பகுதியில் உள்ள ஒரு தனியார் மருத்துவமனை தனது விளம்பர பேனரை வைத்து, ரெயில்வே பெயர் பலகையை மறைத்துள்ளதால், வெளியூர் பயணிகள் ரெயில் நிலையம் செல்லும் வழியை தெரிந்து கொள்ள முடியாமல் அவதிப்பட்டு வருகின்றனர். உடனடியாக சம்பந்தப்பட்டவர்கள் பேனரை அகற்ற வேண்டும். -ரஞ்சித்குமார், போளூர்.

ஆதரவு: 0

Enter Name and Email

Error in submitting

9 Jun 2024 1:21 PM GMT

அழகர் | அரியலூர்

#47326

சுற்றுச்சுவர் இல்லாத பள்ளி

அரியலூர் மாவட்டம், தா.பழுர் ஒன்றியம், ஸ்ரீபுரந்தான் கிராமத்தில் உள்ள அரசு மேல்நிலைப்பள்ளியில் சுற்றுச்சுவர் இல்லை. இதனால் பள்ளிக்கு பாதுகாப்பில்லை என்பதோடு, அங்கு இரவு நேரங்களில் ஆடு, மாடுகளின் புகலிடமாகவும் உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து பள்ளிக்கு சுற்றுச்சுவர் அமைக்க வேண்டும் என கேட்டுக்கொள்கிறோம்.

ஆதரவு: 0

Enter Name and Email

Error in submitting

9 Jun 2024 1:15 PM GMT

ராசாத்தி | அரவக்குறிச்சி

#47324

பயனற்ற சுகாதார வளாகம்

கரூர் மாவட்டம் சேமங்கி எம்.ஜி.ஆர். நகர் அருகே சுற்றுவட்டார பகுதி பெண்களின் நலன் கருதி சுகாதார வளாகம் கட்டப்பட்டது. தற்போது இந்த சுகாதார வளாகம் பராமரிப்பு இன்றி குழாய்கள் உடைந்ததால் தற்போது பூட்டி வைத்துள்ளனர். இதனால் இப்பகுதி பெண்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.

ஆதரவு: 0