புதிய நூலகம் வேண்டும்

நாகை மாவட்டம் திருமருகல் செல்லியம்மன் கோவில் தெருவில் நூலகம் இயங்கி வருகிறது. இந்த நூலகத்தை திருமருகல் அரசு மேல்நிலைப்பள்ளி மாணவ-மாணவிகள், பொதுமக்கள் பயன்படுத்தி வருகின்றனர். நூலகம் இயங்கி வரும் கட்டிடத்தில் முறையான மின்வசதி இல்லை. மேலும், நூலக கட்டிடத்தில் விரிசல்கள் ஏற்பட்டுள்ளது. இதனால் மழைநீர் நூலகத்துக்குள் கசிந்து புத்தகங்கள் நனைந்து வீணாகும் சூழல் ஏற்பட்டுள்ளது. இதன் காரணமாக நூலகத்துக்கு வருபவர்கள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மாணவ-மாணவிகளின் நலன் கருதி புதிய நூலகம் அமைத்து தர நடவடிக்கை எடுப்பார்களா?