பஸ் நிலையம் திறக்கப்படுமா?

கூடலூர் அருகே தேவர்சோலையில் புதிய பஸ் நிலையம் கட்டப்பட்டு உள்ளது. இந்த பஸ் நிலையம் இதுவரை திறக்கப்படவில்லை. இதனால் தேவர்சோலை மற்றும் அதன் சுற்று வட்டார மக்கள் வெளியூர் செல்வதற்காக பஸ் நிலையத்துக்கு முன்புறம் உள்ள சாலையில் காத்து நிற்க வேண்டிய நிலை உள்ளது. அவர்கள் மழையிலும், வெயிலிலும் கடும் அவதிப்படுகிறார்கள். சில நேரங்களில் விபத்தில் சிக்கும் சம்பவங்களும் நடைபெற்று வருகிறது. எனவே சம்பந்தப்பட்ட துறையினர் பஸ் நிலையத்தை திறக்க உரிய நடவடிக்கை எடுக்க வேண்டும்.