பாராக மாறிவரும் ரெயில்வே மேம்பாலம்

கண்டமங்கலம் ரெயில்வே மேம்பாலத்தின் கட்டுமான பணிகள் கடந்த சில மாதங்களுக்கு முன்பு முடிவடைந்த நிலையில், வாகன போக்குவரத்து தொடங்கப்படவில்லை. இதனால் மேம்பாலத்தின் மீது இரவு நேரங்களில் மதுப்பிரியர்கள் கூட்டம், கூட்டமாக அமர்ந்து மது அருந்துவதை வாடிக்கையாக கொண்டு வருகின்றனர். இவ்வாறு மது அருந்துவோர் போதை தலைக்கேறியதும் காலி மதுபாட்டில்களை அங்கேயே உடைத்து போட்டுவிட்டு செல்கின்றனர். எனவே இதில் போலீசார் தலையிட்டு, உரிய நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.