பயனற்ற இறைச்சி கூடம்

பெரம்பலூர் வடக்கு மாதவி சாலையில் நவீன இறைச்சி கூடம் அமைக்கப்பட்டு உள்ளது. பல லட்சம் ரூபாய் செலவு செய்து கட்டப்பட்டுள்ள இந்த இறைச்சி கூட கட்டிடம் பயன்பாடு இன்றி உள்ளதால், பெரம்பலூர் நகரப் பகுதியில் அமைக்கப்பட்டுள்ள இறைச்சி கடைகளில் அறுக்கப்படும் பன்றி, ஆடு உள்ளிட்ட இறைச்சியின் கழிவுகளை திறந்து வெளியிலேயே போட்டுவிட்டு செல்கின்றனர். இதனால் பெரம்பலூர் நகரப் பகுதியில் சுகாதார சீர்கேடு ஏற்பட்டு வருகிறது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து பயன்பாடு இன்றி உள்ள நவீன இறைச்சி கூடத்தை பயன்பாட்டிற்கு கொண்டுவர வேண்டும் என கேட்டுக்கொள்கிறோம்.