தெருநாய்களால் பொதுமக்கள் அச்சம்

பெரம்பலூர் வட்டம், குரும்பலூர் பேரூராட்சிக்கு உட்பட்ட பாளையம் கிராமத்தில் குறிப்பாக ஆண்டியான் குட்டை என்ற பகுதியில் தெருநாய்கள் அதிக அளவில் சுற்றி வருகின்றன. இவை இந்த வழியாக செல்லும், இருசக்கர வாகன ஓட்டிகள் மற்றும் பொதுமக்களை கடிக்க பாய்கிறது. மேலும் தெருநாய்கள் ஒன்றுடன் ஒன்று சண்டையிட்டுக்கொண்டு சாலையின் குறுக்கே திடீரென ஓடுவதினால் வாகன ஓட்டிகள் நிலைதடுமாறி விபத்தில் சிக்கிக்கொள்கின்றனர். இதனால் இப்பகுதி மக்கள் பெரிதம் அவதிப்படுவதுடன், அச்சத்தில் உள்ளனர். மேலும் அவ்வப்போது இப்பகுதியில் உள்ள கால்நடைகளை கடித்து குதறி விடுகிறது. இதனால் விவசாயிகள் பெரிதும் வேதனையில் உள்ளனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.