சாலை வசதி வேண்டும்

கூடலூர் சிவசண்முக நகரில் ஏராளமான குடும்பத்தினர் வசித்து வருகின்றனர். இங்கு கூடலூரில் இருந்து வயநாடு செல்லும் சாலையோரத்தில் உள்ள பள்ளத்தாக்கான பகுதியில் சாலை வசதி இல்லாததால் பொதுமக்கள் பெரும் அவதிக்கு ஆளாகி வருகின்றனர். குழந்தைகள், முதியவர்கள் நடந்து செல்லும்போது தவறி விழுந்து காயம் அடைகின்றனர். மேலும் வாகனங்களை அந்த பகுதிக்கு இயக்க முடியாமல் சிரமம் அடையும் நிலை உள்ளது. எனவே அங்கு சாலை வசதி ஏற்படுத்தி தர அதிகாரிகள் நடவடிக்கை எடுக்க வேண்டும்.