பராமரிப்பில்லாத கழிவறை கட்டிடம்

தஞ்சையை அடுத்த பாப்பாநாடு பகுதியில் பொதுமக்கள் வசதிக்காக கழிவறை கட்டிடம் கட்டப்பட்டது. இந்த கட்டிடம் முறையான பராமரிப்பின்றி சேதமடைந்து காணப்படுகிறது. கட்டிடத்தில் சுவர்களில் செடி,கொடிகள் வளர்ந்துள்ளன. ஏராளமான போஸ்டர்கள் ஒட்டப்பட்டு விளம்பர பேனர் போல கழிவறை கட்டிடம் காட்சி அளிக்கிறது. இதனால் அந்த பகுதி மக்கள் கழிவறை கட்டிடத்தை பயன்படுத்த முடியாத சூழல் நிலவுகிறது. எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள கழிவறை கட்டிடத்தை சீரமைத்து மக்கள் பயன்பாட்டுக்கு கொண்டு வர நடவடிக்கை எடுக்க வேண்டும்.