நிறுத்தப்பட்ட பஸ்கள் மீண்டும் இயக்கப்படுமா?

பெரம்பலூர் மாவட்டம், கைகளத்தூரில் இருந்து பணி நிமித்தமாகவும், பள்ளி, கல்லூரிகளுக்கும் தினமும் நூற்றுக்கணக்கான மக்கள் மாவட்ட தலைநகரான பெரம்பலூருக்கு சென்று வருகின்றனர். காலை 8 மணிக்கு பிறகு அடுத்த பஸ் 9.45 மணிக்கு தான். இதன் காரணமாக தினமும் ஒரே பஸ்சில் 100-க்கும் மேற்பட்ட பயணிகள் மிகவும் ஆபத்தான நிலையில் பயணம் செய்கின்றனர். ஆகவே இவ்வழியில் இயங்கி வந்த கொரோனா காரணமாக நிறுத்தப்பட்ட 2 பஸ்களையும் இயக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.