மது பாட்டில்கள் விற்பனை

பெரம்பலூர் புதிய பஸ் நிலையம் பகுதியில் உள்ள அரசு மதுபான கடைகளில் திறக்க அனுமதி கொடுத்த நேரத்திற்கு முன்பாகவும், பின்பாகவும் கடைகளில் அனுமதியின்றி மதுபானங்கள் விற்கப்படுகிறது. அருகில் உள்ள பார்களில் மது அருந்துவதற்கும் அனுமதிக்கிறார்கள். காலை நேரத்திலேயே மது பிரியர்கள் கடையை நோக்கி செல்வதால் அந்த நேரத்தில் பள்ளிக்கு செல்லும் மாணவர்கள் மற்றும் வேலைக்குச் செல்லும் பெண்களுக்கு மிகவும் இடையூறாக உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.