தனி தபால் நிலையம் அமையுமா?

கடையம் யூனியன் மேலாம்பூர் பஞ்சாயத்து கருத்தப்பிள்ளையூரில் பகுதிநேர தபால் நிலையம் செயல்பட்டு வருகிறது. கருத்தப்பிள்ளையூரை சுற்றி அண்ணாநகர், பூவன்குறிச்சி, காசிவிஸ்வநாதபுரம், இந்திரா காலனி, எம்.ஜி.ஆர்.நகர் என பல கிராமங்களில் வசிக்கும் பொது மக்களுக்கும், பள்ளி, கல்லூரி மாணவர்களுக்கும் பயன்படும் விதமாக ஏ.டி.எம். மையம் எதுவும் இல்லை. இதனால் அனைத்து தரப்பினரும் சிரமப்படுகிறார்கள். எனவே, கருத்தப்பிள்ளையூருக்கு என தனியாக முழுநேர தபால் நிலையம் ஒன்று அமைத்துக் கொடுத்தால் வங்கி மற்றும் ஏ.டி.எம். சேவை அனைத்தும் தபால் நிலையம் மூலமாக இந்தப் பகுதி மக்களுக்கு கிடைக்க வாய்ப்பு ஏற்படும். சம்பந்தப்பட்ட துறையினர் ஆவன செய்வார்களா?