ஆபத்தான நிலையில் இரும்பு கம்பம்

தஞ்சை மாவட்டம் பட்டுக்கோட்டை பஸ் நிலையம் எதிரே கண்காணிப்பு கேமராவை தாங்கி பிடித்துள்ள இரும்பு கம்பம் ஒன்று உள்ளது. இந்த கம்பம் முறையான பராமரிப்பின்றி காணப்படுகிறது. இதன்காரணமாக கம்பத்தின் அடிப்பகுதி முழுவதும் துருபிடித்து ஓட்டை விழுந்து காணப்படுகிறது. இதனால் கம்பம் வலுவிழந்து எப்போது வேண்டுமானாலும் கீழே விழுந்து விடும் சூழல் ஏற்பட்டுள்ளது. எனவே, அசம்பாவிதம் எதுவும் ஏற்படும் முன் ஆபத்தான நிலையில் உள்ள இரும்பு கம்பத்தை அகற்றிவிட்டு புதிய கம்பம் வைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கைவிடுத்துள்ளனர்.