காட்சிப்பொருளான அங்கன்வாடி மைய கழிப்பறை

திருவெண்ணெய்நல்லூர் ஒன்றியத்திற்கு உட்பட்ட கருவேப்பிலைப்பாளையம் கிராமத்தில் உள்ள அங்கன்வாடி மையத்தில் 20-க்கும் மேற்பட்ட குழந்தைகள் படிக்கின்றனர். ஆனால், இங்கு உள்ள கழிப்பறை உரிய பராமரிப்பின்றி காட்சிப்பொருளாக உள்ளது. இதனால் அங்கன்வாடி மையத்தில் படிக்கும் குழந்தைகள் மிகவும் சிரமப்படுகின்றனர். எனவே கழிப்பறையை சீரமைத்து, பயன்பாட்டிற்கு கொண்டு வர வேண்டியது அவசியம்.