தெருநாய்கள் தொல்லை

பழனி அடிவார பகுதியில் கடந்த சில நாட்களாக தெருநாய்கள் தொல்லை அதிகமாக உள்ளது. இதனால் பழனிக்கு வருகை தரும் பக்தர்கள் மிகவும் அச்சமடைந்து வருகின்றனர். அதேபோல் தெருக்களில் சுற்றி திரியும் நாய்கள் மோட்டார் சைக்கிளில் செல்வோரை கடிக்க துரத்துகிறது. அவ்வாறு துரத்தும்போது மோட்டார் சைக்கிளில் செல்வோர் விபத்தில் சிக்கும் நிலை ஏற்படுகிறது. இதனால் விபத்துகள் அதிகரித்த வண்ணம் உள்ளது. குறிப்பாக அரசு மருத்துவமனை வளாக பகுதியிலும் நாய்கள் கூட்டமாக சுற்றுகின்றன. எனவே நாய்களை கட்டுப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.