பழுதடைந்த சுகாதார வளாகம்

கடையம் யூனியன் திருமலையப்பபுரம் பஞ்சாயத்து அலுவலகம் அருகில் சுகாதார வளாகம் உள்ளது. இந்த சுகாதார வளாகம் பழுதடைந்து கடந்த 3 வருடங்களாக பூட்டிக் கிடக்கிறது. அதன் அருகில் பள்ளிக்கூடம், ரேஷன் கடை, அங்கன்வாடி, பஸ்நிறுத்தம் உள்ளது. அதிக அளவில் மக்கள் கூடும் பகுதியில் அமைக்கப்பட்டுள்ள இந்த சுகாதார வளாகத்தில் இருந்து கடும் துர்நாற்றம் வீசுகிறது. இதனால் பள்ளி மாணவ-மாணவிகள் மற்றும் பொதுமக்கள் கடும் அவதிப்படுகிறார்கள். எனவே, சுகாதார வளாகத்தை வேறு இடத்துக்கு மாற்றுவதற்கு அதிகாரிகள் நடவடிக்கை எடுக்க வேண்டுகிறேன்.