புதர்மண்டி கிடக்கும் கழிவறை

நாகை மாவட்டம் திருமருகல் ஒன்றியம் காரையூர் ஊராட்சி காமராஜபுரத்தில் அரசு தொடக்கப்பள்ளி உள்ளது. இந்த தொடக்கப்பள்ளியில் மாணவர்களின் வசதிக்காக கழிவறை பல ஆண்டுகளுக்கு முன்பு கட்டப்பட்டது. தற்போது அந்த கழிவறை உரிய பராமரிப்பின்றி காணப்படுகிறது. இதனால் செடி, கொடிகள் வளர்ந்து புதர் மண்டி காணப்படுவதோடு விஷப்பூச்சிகளின் கூடாரமாக உள்ளது. இதனால் மாணவர்கள் பல்வேறு சிரமங்களை சந்தித்து வருகின்றனர். எனவே சம்பந்தப்பட்ட அதிகாாிகள் உரிய நடவடிக்கை எடுத்து கழிவறையை சீரமைத்து மீண்டும் பயன்பாட்டிற்கு கொண்டு வரவேண்டும்.