அழகி குளத்தை ஆக்கிரமிக்கும் மதுபிரியர்கள்

தஞ்சை நகரின் மைய பகுதியில் அழகி குளம் உள்ளது. இந்த குளக்கரை வழியாக ஏராளமான பெண்கள், மாணவ-மாணவிகள், வேலைக்கு செல்பவர்கள் என அனைத்து தரப்பினரும் சென்று வருகின்றனர். இந்த நிலையில் இரவு நேரங்களில் அழகிகுளம் பகுதியில் மதுபிரியர்கள் அதிகளவில் குவிகின்றனர். இவர்கள் அந்த வழியாக செல்லும் பெண்களை கேலி செய்வது, தகாத வார்த்தைகளை உபயோகிப்பது உள்ளிட்ட செயல்களை செய்து வருகின்றனர். இதன்காரணமாக அந்த வழியாக பொதுமக்கள், பெண்கள் அச்சத்துடன் சென்று வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் இரவு நேரங்களில் மதுபிரியர்கள் அழகி குளம் பகுதியை ஆக்கிரமிப்பு செய்வதை தடுக்க நடவடிக்கை எடுப்பார்களா?