வளர்ப்பு பிராணிகளை வேட்டையாடும் நாய்கள்

பட்டுக்கோட்டை தாலுகா புனல்வாசல் கிராமத்தில் உள்ள கடைத்தெருவில் நாய்கள் தொல்லை அதிகளவில் உள்ளது. இவை சாலையில் நடந்து செல்லும் பொதுமக்களை விரட்டி சென்று கடிக்கின்றன. மேலும், வாகனங்களை துரத்தி செல்வதால் வாகன ஓட்டிகள் கீழே விழுந்து விபத்துக்குள்ளாகி வருகின்றனர். இதனால் பள்ளி, கல்லூரி மாணவ-மாணவிகள் அச்சத்துடன் சென்று வருகின்றனர். மேலும் வீடுகளில் உள்ள வளர்ப்பு பிராணிகளை வேட்டையாடுகின்றன. இதனால் பொதுமக்கள் மிகவும் சிரமப்பட்டு வருகின்றனர். எனவே சம்பந்தப்பட்ட அதிகாரிகள் நாய்களை பிடித்து செல்ல நடவடிக்கை எடுக்கவேண்டும்.