பாலம் அமைக்கும் பணி விரைந்து நிறைவேற்றப்படுமா?

தூத்துக்குடி- திருச்செந்தூர் சாலையில் உப்பாற்று ஓடை அருகில் புதிய மேம்பாலம் அமைக்கும் பணிகள் நடைபெற்று வருகிறது. அங்கு வாகனங்கள் செல்வதற்காக அமைக்கப்பட்ட தற்காலிக பாதை குண்டும் குழியுமாக உள்ளது. மேலும், அங்கு மின்விளக்குகள் இல்லாததால் இரவில் இருள்சூழ்ந்து காணப்படுவதால் விபத்து ஏற்படும் அபாயமும் உள்ளது. எனவே, பாலம் அமைக்கும் பணிகளை விரைந்து நிறைவேற்றவும், தற்காலிக பாதையை சீரமைத்து மின்விளக்குகள் அமைக்கவும் அதிகாரிகள் நடவடிக்கை மேற்கொள்வார்களா?.