நாய்கள் தொல்லை

தஞ்சை மாவட்டம் பட்டுக்கோட்டையில் நாடிமுத்து நகர்,பெரியகடைத்தெரு,சாமு முதலி தெரு,முத்துப்பேட்டை ரோடு,நாடியம்மன் கோவில் ரோடு ஆகிய இடங்களில் நாய்கள் கூட்டம் கூட்டமாக திரிகின்றன. இவைகள் அந்த பகுதியில் உள்ள வீடுகளில் வளர்க்கப்படும் ஆடு, கோழிகளை கடித்து விடுகின்றன. மேலும், சாலையில் நடந்து செல்லும் பெண்கள், குழந்தைகளை விரட்டி கடிக்கின்றன . இதனால் பொதுமக்கள் அச்சத்துடன் சாலையில் சென்று வருகின்றனர். மேலும், வாகனங்களை நாய்கள் துரத்தி செல்வதால் வாகன ஓட்டிகளும் விபத்தில் சிக்கிக்கொள்கின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சுற்றித்திரியும் நாய்களை பிடித்து அப்புறப்படுத்த நடவடிக்கை எடுப்பார்களா?

பொதுமக்கள் பட்டுக்கோட்டை