குரங்குகள் தொல்லை

தஞ்சை சீனிவாசபுரம் விக்னேஸ்வரா நகர் பகுதியில் குரங்குகள் அதிகளவில் சுற்றித்திரிகின்றன. இவை அந்த பகுதியில் உள்ள வீடுகளுக்குள் புகுந்து உணவு பொருட்கள், செல்போன்கள் உள்ளிட்டவற்றை எடுத்து செல்கின்றன. மேலும், மரங்களில் உள்ள பழங்களை பறித்து வீணடிக்கின்றன. அதுமட்டுமின்றி சாலையில் அங்கும், இங்கும் கூட்டமாக ஓடுவதால் வாகன ஓட்டிகள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் சுற்றித்திரியும் குரங்குகளை பிடித்து செல்ல நடவடிக்கை எடுப்பார்களா?