அறிவிப்பு பலகை அவசியம்

தென்காசி-அம்பை நெடுஞ்சாலையில் கடையம் பி.எஸ்.என்.எல். அலுவலகம் அருகே இருந்து கடையம் மாட்டுச்சந்தை அருகில் வரை சாலையோரம் வாறுகால் அமைக்கும் பணி கடந்த ஒரு வாரமாக நடைபெற்று வருகிறது. இதற்காக சாலையோரம் மணல், ஜல்லி உள்ளிட்ட கட்டிட பொருட்கள் கொட்டப்பட்டு கிடக்கிறது. ஆனால் இந்த பகுதியில் பணி நடைபெறுவதற்கான எந்த ஒரு அறிவிப்பு பலகையும் இல்லை. இதனால் அந்த பகுதியில் வாகனங்கள் வேகமாக செல்வதால் விபத்துகள் ஏற்படும் அபாயம் உள்ளது. ஆகவே அறிவிப்பு பலகை வைக்க அதிகாரிகளை கேட்டுக் கொள்கிறேன்.