டாஸ்மாக் கடையை அகற்ற வேண்டும்

கிருஷ்ணகிரி மாவட்டம் கெலமங்கலம்-தேன்கனிக்கோட்டை செல்லும் மெயின்ரோட்டில் துளசி நகர் பகுதியில் ஒரே இடத்தில் 3 டாஸ்மாக் கடைகள் இயங்கி வருகின்றன. சின்னட்டி, ஏ.புதூர், பெரமண்ட ஏரி, துளசி நகர் ஆகிய கிராமங்களை சேர்ந்த நூற்றுக்கணக்கான பள்ளி மாணவர்கள் மற்றும் பொதுமக்கள் டாஸ்மாக் கடைகள் உள்ள பாதையில் சென்று வருகின்றனர். மதுப்பிரியர்கள் சாலையோரம் ஆங்காங்கே நிற்பதால் பொதுமக்களும், வாகன ஓட்டிகளும் இந்த பாதையில் கடந்து செல்ல சிரமப்படுகின்றனர். மேலும் இந்த பகுதியில் அடிக்கடி விபத்துகளும் ஏற்படுகிறது. எனவே அந்த டாஸ்மாக் கடைகளை போக்குவரத்துக்கு இடையூறு இல்லாத வகையில் வேறு இடத்துக்கு மாற்ற நடவடிக்கை எடுக்க வேண்டும்.

-எஸ்.ராஜேஷ்குமார், கெலமங்கலம், கிருஷ்ணகிரி.