சேதமடைந்த மின்கம்பம்

கரூர் மாவட்டம் நொய்யல் அருகே வேட்டமங்கலம் ஊராட்சி முத்தனூர் பகுதியில் கான்கிரீட் பூச்சுகள் பெயர்ந்து சேதமடைந்த பழைய மின்கம்பத்தில் உள்ள மின்கம்பிகள் புதிய மின்கம்பத்திற்கு மாற்றப்படாமல் உள்ளது. இதனால் மின்சாரம் செல்லும் அந்த பழைய மின்கம்பம் எந்த நேரத்திலும் முறிந்து கீழே விழும் அபாயம் ஏற்பட்டுள்ளது. அப்பகுதி வழியாக செல்லும் பள்ளி மாணவ-மாணவிகள், குழந்தைகள் மற்றும் பொதுமக்கள் மீது மின்கம்பம் விழுந்து பெரும் விபத்து ஏற்படும் முன் பழுதடைந்த மின்கம்பத்தில் உள்ள மின்கம்பிகளை புதிய கம்பத்திற்கு மாற்ற சம்பந்தப்பட்ட அதிகாரிகள் நடவடிக்கை எடுக்க வேண்டும்.