தினத்தந்தி புகார் பெட்டிக்கு நன்றி

கரூர் மாவட்டம், புகழூர் வட்டம், வேலாயுதம்பாளையம், டி.என்.பி.எல். சாலையோரத்தில் இந்த மின் கம்பம் அமைக்கப்பட்டு பல ஆண்டுகள் ஆன நிலையில் தற்போது அதன் அடிப்பகுதி உடைந்து ஆபத்தான நிலையில் காணப்படுகிறது. எனவே பொதுமக்கள் நடமாட்டத்தின்போது இந்த மின் கம்பம் முறிந்து சாலையில் விழுந்தால் உயிரிழப்புகள் ஏற்பட அதிக வாய்ப்பு உள்ளது என தினத்தந்தி புகார் பெட்டியில் செய்தி வெளியிடப்பட்டது. இதனை அறிந்த சம்பந்தப்பட்ட மின்சாரத்துறை அதிகாரிகள் விரைந்து நடவடிக்கை எடுத்து உடைந்த மின் கம்பத்தை அகற்றிவிட்டு அந்த இடத்தில் புதிய மின் கம்பம் அமைத்து இணைப்புகளை அதில் மாற்றி உள்ளனர். இதற்கு செய்தி வெளியிட்ட தினத்தந்தி புகார் பெட்டிக்கும் நடவடிக்கை எடுத்த அதிகாரிகளுக்கும் இப்பகுதி மக்கள் நன்றி தெரிவித்தனர்.