போக்குவரத்திற்கு இடையூறான மின்கம்பம்

திருச்சி மாவட்டம், உப்பிலியபுரம் கோட்டப்பாளையம் பிரிவு சாலையின் முகப்பில் அமைந்துள்ள மின்கம்பத்தால் சாலை விரிவாக்கப் பணிகள் முடக்கப்பட்டுள்ளதுடன், போக்குவரத்திற்கும் இடையூறாக அமைந்துள்ளது. நெடுஞ்சாலைத்துறையினரால் அப்பகுதியில் இருந்த ஆக்கிரமிப்புகள் அகற்றப்பட்டு, மின்கம்பத்தை மாற்றி அமைக்க மின்சாரத் துறையினரிடம் பலமுறை கோரிக்கை விடுத்தும் நடவடிக்கை ஏதும் இல்லாததால் பணிகள் முடக்கப்பட்டுள்ளன. எனவே சம்பந்தப்பட்ட துறையினர் நடவடிக்கை எடுத்து மின்கம்பத்தை மாற்றி அமைத்து சாலை விரிவாக்கம் செய்து, போக்குவரத்தை மேம்படுத்த வேண்டும் என கேட்டுக்கொள்கிறோம்.