சேதமடைந்த மின்கம்பம்

திருவாரூர் மாவட்டம் திருகண்ணன்கிராமம் இளங்குடி இணைப்பு சாலையோரத்தில் மின்கம்பம் உள்ளது. இந்த மின்கம்பத்தின் அடிப்பகுதி முழுவதும் சேதமடைந்து இருக்கிறது. அடிப்பகுதியில் சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. இதனால் மின்கம்பத்தின் உறுதி தன்மை கேள்விக்குறியாகி உள்ளது. மின்கம்பம் எப்போது வேண்டுமானாலும் கீழே விழுந்துவிடும் நிலை உள்ளது. எனவே, அசம்பாவிதம் எதுவும் ஏற்படும் முன் மேற்கண்ட பகுதியில் சேதமடைந்த மின்கம்பத்தை அகற்றிவிட்டு புதிய மின்கம்பம் வைக்க நடவடிக்கை எடுக்க வேண்டும்.