எரியாத தெருவிளக்குகள்

புதுக்கோட்டை மாவட்டம், அன்னவாசல் ஒன்றியம் புதூர் பஞ்சாயத்துக்கு உட்பட்ட முக்கண்ணாமலைப்பட்டி கிராமம் மஜித் தெருவில் பொதுமக்களின் நலன் கருதி சாலை ஓரத்தில் தெருவிளக்குகள் அமைக்கப்பட்டு உள்ளது. இந்த நிலையில் இந்த தெரு விளக்குகள் கடந்த சில மாதங்களாக எரியாததால் இப்பகுதியில் இரவு நேரத்தில் இருள் சூழ்ந்து காணப்படுகிறது. இதனால் இப்பகுதியில் பெண்கள் இரவு நேரத்தில் நடமாட பெரிதும் அச்சப்படுகின்றனர். மேலும் இருளை பயன்படுத்தி இப்பகுதியில் சட்ட விரோத செயல்கள் நடக்க அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.