புகார் பெட்டிக்கு நன்றி

புதுக்கோட்டை மாவட்டம், பொன்னமராவதி தாலுகா, மறவாமதுரை ஊராட்சி ஒன்றியம், காரையூர் அருகே உள்ள சடையம்பட்டியில் உள்ள மேல்நிலை நீர்த்தேக்க தொட்டி எதிரே பூக்காரதெருவின் மையப்பகுதியில் அமைக்கப்பட்டுள்ள மின்கம்பம் சிதலமடைந்து ஆபத்தான நிலையில் உள்ளது என தினத்தந்தி புகார் பெட்டியில் செய்தி வெளியிடப்பட்டது. இதனை அறிந்த சம்பந்தப்பட்ட அதிகாரிகள் விரைந்து நடவடிக்கை எடுத்து சிதிலமடைந்த மின் கம்பத்தை அகற்றி விட்டு புதிய மின்கம்பத்தை நட்டனர். இதற்கு செய்தி வெளியிட்ட தினத்தந்தி புகார் பெட்டிக்கும், நடவடிக்கை எடுத்த மின்சாரத்துறை அதிகாரிகளுக்கும் இப்பகுதி மக்கள் நன்றி தெரிவித்தனர்.