கைக்கு எட்டும் தூரத்தில் மின்கம்பிகள்

திருவாரூர் மாவட்டம் வலங்கைமானை அடுத்த குமாரமங்கலம் பகுதி ஆதிதிராவிடர் தெருவில் கைக்கு எட்டும் தூரத்தில் மின்கம்பிகள் தாழ்வாக செல்கின்றன. பலத்த காற்றின் போது மின்கம்பிகள் அந்த பகுதியில் உள்ள குடிசை வீடுகள் மீது உரசியபடி இருக்கின்றன. இதனால் அசம்பாவிதம் ஏற்படும் என பொதுமக்கள் அச்சம் தெரிவிக்கின்றனர். மேலும், மரக்கிளைகளில் மின்கம்பிகள் சிக்கிக்கொள்வதால் மின்தடையும் அடிக்கடி ஏற்படுகிறது. எனவே, சம்பந்தப்பட்ட அதிகாரிகள் மேற்கண்ட பகுதியில் தாழ்வாக செல்லும் மின்கம்பிகளை சீரமைக்க நடவடிக்கை எடுக்க வேண்டும்.