பழைய மின்மாற்றியால் தொடரும் மின் வெட்டு

அரியலூர் மாவட்டம், ஜெயங்கொண்டம் கீழத்தெரு மற்றும் வேலாயுதநகர் பகுதிகளில் அடிக்கடி மின்வெட்டு ஏற்படுகிறது. இதனால் அப்பகுதி மக்கள் சிரமத்திற்கு உள்ளாகி வருகின்றனர். வேலாயுத நகர் பி.எஸ்.என்.எல். அலுவலகம் எதிரே உள்ள பழுதடைந்த நிலையில் உள்ள பழைய மின்மாற்றியை மாற்றிவிட்டு புதிய மின்மாற்றி அமைக்க வேண்டுமென பகுதி மக்கள் கோரிக்கை விடுத்துள்ளனர். இந்த மின்மாற்றி மாற்றாததால் வேலாயுதநகர் 3-வது மற்றும் 4-வது குறுக்குத்தெருவில் அடிக்கடி மின்வெட்டு ஏற்படுகிறது. இதனை தவிர்க்கும் வகையில் புதிய மின் மாற்றி வைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.