மின்விளக்கு வசதி வேண்டும்

தேனி அருகே வீரபாண்டி கவுமாரியம்மன் கோவில் சித்திரை திருவிழா நடந்து வருகிறது. விழாவை காண பல்வேறு பகுதிகளில் இருந்து பக்தர்கள் வந்து செல்கின்றனர். இந்த நிலையில் தேனி-கம்பம் சாலையில் முத்துதேவன்பட்டியில் இருந்து உப்புக்கோட்டை விலக்கு வரை சாலையோரத்தில் மின்விளக்குகள் அமைக்கப்படவில்லை. இதனால் இரவில் அப்பகுதி முழுவதும் இருள் சூழ்ந்து காணப்படுகிறது. இதனால் இரவில் வீட்டைவிட்டு வெளியே வரவே பெண்கள் அச்சப்படுகின்றனர். எனவே மின்விளக்கு வசதியை செய்து கொடுக்க வேண்டும்.