சிதிலமடைந்த மின்கம்பம்

புதுக்கோட்டை மாவட்டம், விராலிமலை தெப்பக்குளம் பகுதிக்கு செல்லும் மின்கம்பமானது விராலிமலையிலிருந்து மதுரை செல்லும் பிரதான சாலையின் ஓரத்தில் உள்ளது. இந்த மின்கம்பமானது பல ஆண்டுகளுக்கு முன்பு அமைக்கப்பட்டது. இதனால் மின் கம்பத்தில் உள்ள சிமெண்டு பூச்சுகள் பெயர்ந்து கம்பிகள் வெளியே தெரியும் வகையில் எலும்புக்கூடு போல் காட்சியளித்து வருகிறது. மேலும் இந்த மின்கம்பம் உள்ள இடமானது பிரதான சாலை என்பதால் தினமும் அதிகஅளவில் போக்குவரத்து நிறைந்த பகுதியாக காணப்படுகிறது. மேலும் இந்த மின்கம்பம் எந்த நேரத்திலும் விழும் நிலையில் உள்ளதால் வாகன ஓட்டிகள் அச்சத்துடன் அந்த இடத்தை கடந்து சென்று வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.