அங்கன்வாடி மைய குழந்தைகள் அவதி

நாமக்கல் மாவட்டம் எலச்சிபாளையம் சந்தைப்பேட்டையில் அமைந்துள்ள அங்கன்வாடி மையத்தின் அருகே உள்ள மரத்தில் மின்வயர்கள் உரசுவதால் கடந்த ஒரு மாதத்திற்கு முன்பு, எலச்சிபாளையம் மின்வாரிய அதிகாரிகளால் மின் இணைப்பு துண்டிக்கப்பட்டது. இதுவரையில் மின் இணைப்பு வழங்கப்படவில்லை. இதனால் மதியநேரத்தில் குழந்தைகள் சிரமப்படுகின்றனர். மேலும் மையம் இருள் சூழ்ந்துள்ளதால் குழந்தைகள் அச்சப்படுகின்றனர். எனவே துண்டிக்கப்பட்ட மின் இணைப்பை விரைந்து சரிசெய்ய வேண்டும்.

-ஜெயராமன், எலச்சிபாளையம், நாமக்கல்.