கால்வாய் பாலத்தின் மீது பயணிகள் அமர்வது தடுக்கப்படுமா?

கண்ணமங்கலம் புதிய பஸ் நிலையம் கடந்த ஆண்டு ஆரணி சட்டமன்ற உறுப்பினர் தொகுதி மேம்பாட்டு நிதியில் கட்டப்பட்டு, தற்போது பயணிகள் பயன்படுத்தி வருகின்றனர். இங்கு பஸ்சுக்காக காத்திருக்கும் சிலர் பஸ் நிலைய ஷெட்டுக்குள் உள்ள நாற்காலிகளில் அமராமல் வெளியே உள்ள கால்வாய் பாலத்தின் சுவர் மீது அமர்ந்து செல்கின்றனர். இதன் காரணமாக சாலையோரம் உள்ள கால்வாய் பாலம் சுவர் மீது அமரும்போது அந்த வழியாக வேகமாக செல்லும் வாகனங்கள் இடித்து விடும் அபாயம் உள்ளது. இதை பயணிகள் உணர வேண்டும். இது போல அமரும் பயணிகளை போலீசார் எச்சரிக்கை செய்து தடுக்க வேண்டும்.

-குமரேவல், கண்ணமங்கலம்.