தினத்தந்திக்கு நன்றி

கண்ணமங்கலம்-வேலூர் செல்லும் சாலையில் உள்ள கூட்ரோட்டில் ரெயில்வே கேட் பகுதியில் கடந்த மாதம் தண்டவாளத்தை சீரமைக்கும் பணி நடந்தது. சீரமைக்கப்பட்ட தண்டவாளத்தில் சிமெண்டு சிலாப்கள் மட்டும் அமைத்து தார் அமைக்கப்படாததால் அந்த வழியாக செல்லும் வாகனங்கள் சிரமப்பட்டன. இதுகுறித்து கடந்த மாதம் தினத்தந்தி புகார் பெட்டியில் செய்தி ெவளியிடப்பட்டது. அதன் எதிரொலியால் தண்டவாளத்தில் தார் சாலை அமைக்கும் பணி நடந்தது. இதனால் வாகன ஓட்டிகள் மகிழ்ச்சியடைந்தனர். செய்தி ெவளியிட்ட தினத்தந்திக்கும், நடவடிக்கை எடுத்த அதிகாரிகளுக்கும் வாகன ஓட்டிகள், பொதுமக்கள் நன்றி தெரிவித்தனர்.

-ஞானவேல், கண்ணமங்கலம்.