சாலையில் இரும்பு தடுப்புகள் வைக்கப்படுமா?

பெரம்பலூர் வெங்கடேசபுரம் பகுதியில் வட்டார வளமையம், வட்டார உதவி கல்வி அலுவலர் அலுவலகம் செல்லும் பிரிவு சாலை பகுதியில் யூ வளைவு உள்ளது. தினந்தோறும் குறிப்பாக பள்ளி துவங்கும் நேரம், மாலையில் பள்ளி நிறைவடையும் நேரங்களில் இப்பகுதியில் கடுமையான போக்குவரத்து பாதிப்பு ஏற்படுகிறது. பிரதான சாலையில் வாகனங்கள் இரு திசைகளிலும் வேகமாக செல்கின்றன. மேலும் யூ வளைவில் வாகனங்கள் திரும்புவதால் வாகன நெரிசல் ஏற்படுகிறது. எனவே சாலையில் இருபுறமும் சிறிய இரும்பு தடுப்புகள் வைத்து வாகனங்களின் வேகத்தை கட்டுப்படுத்திடவும், பள்ளிக்கு செல்லும் குழந்தைகளுக்கு விபத்து ஏற்படாத வகையில் பாதுகாப்பாக சென்று வரவும் சம்பந்தப்பட்ட மாவட்ட போலீஸ் நிர்வாகம் உரிய நடவடிக்கை எடுக்க வேண்டும்.