சாலை அமைக்க வேண்டும்

பர்கூர் ஒன்றியம் மல்லப்பாடி ஊராட்சியில் 3-வது வார்டு பகுதியில் 50-க்கும் மேற்பட்ட குடியிருப்புகள் உள்ளன. இந்த பகுதியில் உள்ள விநாயகர் கோவில் அருகில் கடந்த 2021-ம் ஆண்டு சிமெண்டு சாலை அமைக்க நடவடிக்கை எடுக்கப்பட்டது. ஆனால் இதுவரையிலும் அதற்கான பணிகள் நடைபெறவில்லை. இதனால் இப்பகுதியில் உள்ள சாலை குண்டும், குழியுமாக காட்சி அளிக்கிறது. தற்போது இந்த சாலை நடந்து செல்லக்கூட இயலாத நிலையில் உள்ளது. சம்பந்தப்பட்ட அதிகாரிகள் நடவடிக்கை எடுத்து இந்த பகுதியில் சாலை அமைத்து தரவேண்டும்.

-கணேசன், மல்லப்பாடி.