அரசு மினி பஸ்கள் இயக்க கோரிக்கை

மலைப்பிரதேசமான நீலகிரி மாவட்டத்தில் ஊட்டியில் இருந்து மஞ்சூருக்கு அரசு போக்குவரத்துக்கழகத்தின் மினி பஸ்கள் இயக்கப்பட்டு வருகிறது. ஆனால் ஒருசில நேரங்களில் சமவெளி பகுதியில் இயக்கப்படுவது போன்ற சாதாரண பஸ்களும் இயக்கப்படுகிறது. இதனால் வளைவான பகுதிகளில் அந்த பஸ்களால் திரும்ப முடியவில்லை. மேலும் எதிரே வரும் வாகனங்களுக்கு வழிவிட முடியாததால் போக்குவரத்து பாதிக்கப்படுவதோடு அவ்வப்போது விபத்துகளும் ஏற்படுகிறது. அந்த நேரத்தில் பயணிகள் நீண்ட நேரம் காத்திருக்க வேண்டி உள்ளது. எனவே ஊட்டியில் இருந்து மஞ்சூர் செல்லும் சாலையில் மினி பஸ்களை மட்டும் இயக்க நடவடிக்கை எடுக்க வேண்டும்.