கடும் நடவடிக்கை எடுக்கப்படுமா?

கிருஷ்ணகிரி நகரில் சென்னை சாலை, பெங்களூரு சாலை ஆகிய பகுதிகள் உள்ளன. இந்த இடங்களில் இரவு நேரங்களில் இருசக்கர வாகனங்களில் வாலிபர்கள் சிலர் மிகவும் அதி வேகமாக செல்கிறார்கள். இதனால் மற்ற வாகன ஓட்டிகளுக்கு மிகவும் இடையூறாக உள்ளது. இரு சக்கர வாகனத்தை ஓட்டுவதில் போட்டி வைத்து சாலையில் சில வாலிபர்கள் தாறுமாறாக வாகனத்தை ஓட்டி செல்கிறார்கள். இவர்களால் விபத்துகள் ஏற்பட வாய்ப்பு உள்ளது. மேலும் இரவில் சிலர் பந்தயத்திற்கு பயன்படுத்த கூடிய இருசக்கர வாகனங்களை ஓட்டி பொதுமக்களை அச்சுறுத்துகிறார்கள். எனவே இரவு நேரங்களில் போலீசார் கண்காணித்து இது போன்ற வாகன ஓட்டிகள் மீது கடும் நடவடிக்கை எடுக்க வேண்டும்.