போக்குவரத்துக்கு லாயக்கற்ற சாலை

சிதம்பரம் அருகே உள்ள கொடிப்பள்ளம் கோவிலாம்பூண்டி சாலை போக்குவரத்துக்கு லாயக்கற்ற நிலையில் உள்ளது. இந்த சாலை வழியாக தான் கிள்ளை பெரியமதகு, தில்லைவிடங்கள், பின்னத்தூர், அனுவம்பட்டு உள்ளிட்ட பகுதி மக்கள் ராஜா முத்தையா மருத்துவக் கல்லூரிக்கு வந்து செல்கின்றனர். ஆனால் முற்றிலும் சேதமடைந்த சாலையால், இவ்வழியாக செல்லும் முதியோர்கள், கர்ப்பிணிகள் மிகவும் பாதிக்கப்படுகின்றனர். எனவே சாலையை அதிகாரிகள் பார்வையிட்டு, உடனடியாக சீரமைக்க நடவடிக்கை எடுக்க வேண்டும்.