ஆமை வேகத்தில் சாலை பணி

நாகை மாவட்டம் திட்டச்சேரியை அடுத்த இடையாத்தாங்குடி நடுத்தெரு பகுதியில் சாலை சீரமைப்பு பணி நடந்தது. இதற்காக பழைய சாலை பொக்லின் எந்திரம் மூலம் பெயர்க்கப்பட்டது. இந்த நிலையில் சாலை பெயர்க்கப்பட்டு 2 வாரங்களுக்கு மேல் ஆகியும் சாலை சீரமைக்கும் பணி நடக்காமல் உள்ளது. இதனால் வாகன ஓட்டிகள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் ஆமை வேகத்தில் நடந்து வரும் சாலை அமைக்கும் பணியினை விரைந்து முடிக்க நடவடிக்கை எடுக்க வேண்டும்.