விபத்தை ஏற்படுத்த காத்திருக்கும் வேகத்தடை

பெரம்பலூர் மாவட்டம் ஆலத்தூர் தாலுகா, தெரணி கிராமத்தில் வேகமாக செல்லும் வாகனங்களின் வேகத்தை கட்டுப்படுத்தும் வகையில், சாலையின் குறுக்கே வேகத்தடை அமைக்கப்பட்டுள்ளது. இந்த வேகத்தடை உயரமாக அமைக்கப்பட்டுள்ளதால் இந்த வழியாக செல்லும் வாகன ஓட்டிகள் சாலையில் வேகத்தடை உயரமாக இருப்பது தெரியாமல் அதில் வாகனத்தை விட்டு நிலைதடுமாறி செல்கின்றனர். இதனால் விபத்து ஏற்படும் அபாயம் உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.