கிடப்பில் போடப்பட்ட சாலை பணி

நிலக்கோட்டை அருகே நூத்துலாபுரம் ஊராட்சிக்கு உட்பட்ட என்.ஊத்துப்பட்டியில் இருந்து சின்னமநாயக்கன்கோட்டை இடையேயான சாலை சேதமடைந்த நிலையில் காணப்பட்டது. இதையடுத்து கடந்த மாதம் சாலை அமைப்பதற்காக ஏற்கனவே இருந்த சாலையை தோண்டி போட்டனர். மேலும் சாலையோரத்தில் கற்கள் குவித்து வைக்கப்பட்டுள்ளன. ஆனால் தற்போது சாலை சீரமைப்பு பணி நடைபெறாமல் கிடப்பில் போடப்பட்டுள்ளது. இதனால் அப்பகுதி பொதுமக்கள், பள்ளி மாணவ-மாணவிகள், வாகன ஓட்டிகள் அவதியடைந்து வருகின்றனர். எனவே சாலையை விரைந்து சீரமைக்க வேண்டும்.