சீரமைக்க வேண்டிய சாலை

கிருஷ்ணகிரி மாவட்டம் ராயக்கோட்டை முதல்நிலை ஊராட்சிக்கு உட்பட்ட ரகமத்காலனி தர்மபுரி மெயின்ரோட்டில் இருந்து பிள்ளையார்கோவில் வழியாக எல்லப்பன் வீடு வரை கடந்த 15 ஆண்டுகளுக்கு முன்பு போடப்பட்ட சிமெண்டு சாலை முழுவதும் பழுதடைந்து குண்டும், குழியுமாக உள்ளது. இதனால் இருசக்கர வாகன ஓட்டிகள் கடும் சிரமத்திற்கு ஆளாகுகின்றனர். இது தொடர்பாக ஊராட்சி நிர்வாகத்திற்கு பொதுமக்கள் சார்பாக பல முறை மனு கொடுத்தும் எந்தவித நடவடிக்கையும் இல்லை. இந்த சாலையை சீரமைக்க வேண்டும் என பொதுமக்களின் கோரிக்கையாக உள்ளது.

-புருசப்பன், ரகமத்காலனி, கிருஷ்ணகிரி.