சேறும் சகதியுமான சாலை

தென்காசி மாவட்டம் கீழப்பாவூர் யூனியன் முத்துகிருஷ்ணபேரி காமராஜ் நகர் மாடசாமி கோவில் தெருவில் புதிய சாலை அமைப்பதற்காக சரள் மண் கொட்டப்பட்டது. பின்னர் சாலை அமைக்கும் பணி பல மாதங்களாக கிடப்பில் போடப்பட்டது. தற்போது சாலையில் மழைநீர், கழிவுநீர் தேங்கி சேறும் சகதியுமாக உள்ளது. இதனால் அப்பகுதி மக்கள் பெரிதும் அவதிப்படுகின்றனர். எனவே புதிய சாலை அமைக்கும் பணிகளை விரைந்து நிறைவேற்றவதற்கு அதிகாரிகள் ஏற்பாடு செய்ய வேண்டுகிறேன்.