வேகத்தடையில் வெள்ளை கோடு வரைய வேண்டும்

நாகை மாவட்டம் திட்டச்சேரி பேரூராட்சி ப.கொந்தகை சாலையில் வேகத்தடை அமைக்கப்பட்டுள்ளன. ஆனால் வேகத்தடையின் மீது வெள்ளைக்கோடுகளும் வரையப்படவில்லை. இதனால் இரவு நேரங்களில் வேகத்தடை இருப்பது தெரிவதில்லை. இதனால் இரு சக்கரவாகனங்களில் வருவோர் மிகுந்த சிரமத்திற்கு ஆளாகி வருகின்றனர். மேலும் சிறு, சிறு விபத்துகள் ஏற்பட்டு வருகிறது. எனவே சம்பந்தப்பட்ட அதிகாரிகள் நடவடிக்கை எடுத்து வேகத்தடையில் வெள்ளை கோடு வரைய வேண்டும்.